Presidenti rus Vladimir Putin kërkoi të enjten zhvillimin e ekonomisë reale të vendit, për të parandaluar ndikimet negative të sanksioneve të Perëndimit.
Putini tha se tregu i madh është avantazhi kryesor konkurrues i cili duhet shfrytëzuar për të përballuar ndikimet negative të sanksioneve.
Ai kërkoi ofrimin e produkteve cilësore në treg për të ruajtur stabilitetin e tij dhe të ekonomisë në përgjithësi. "Kur hartohen politika ekonomike, qeveria federale e vendore duhet të zhvillojnë ekonominë reale," tha Putin.
Presidenti shtoi se sanksionet ndaj Rusisë tregojnë se disa vende hoqën dorë nga parimet e Organizatës Botërore të Tregtisë si dhe shkelën parimin e hyrjes në tregje me kushtet të barabarta, duke mos respektuar parimet e konkurrencës së barabartë. (Çang Çuo/Leftion Peristeri)