Kuvendi i Kosovës rifilloi të enjten seancën e parë të konstituimit pezulluar më 17 korrik, por nuk arriti të zgjedhë kryetarin e ri.

Në një seancë të shkurtër që zgjati më pak se dhjetë minuta, kandidati i PDK-së, nuk mori votat e mjaftueshme për këtë post. Nga 120 deputetë, vetëm 44 votuan për Arsim Bajramin, 61 votuan kundër dhe 11 abstenuan. Ai nuk arriti të marrë 61 votat e nevojshme dhe kryetarja e seancës Flora Brovina e përfundoi seancën, duke njoftuar vazhdimin e saj javën e ardhshme.

Kuvendi i Kosovës është përfshirë në një spirale pas zgjedhjeve të 8 qershorit, pasi asnjë prej partive politike është e gatshme t'i bashkohet në koalicion PDK-së që fitoi zgjedhjet.

Nga ana tjetër katër parti politike: "LDK-VETËVENDOSJE-AAK-NISMA nënshkruan një marrëveshje koalicioni duke grumbulluar në total 63 vende, të mjaftueshme për të zgjedhur kryetarin dhe të formojnë qeverinë." PDK-ja ka 37 vende. (Leftion Peristeri)