Presidenti i Ugandës Yoweri Museveni theksoi se SHBA-ja nuk mund të zgjidhë çdo problem afrikan.Deklaratën ai e bëri gjatë takimit të enjten me ambasadorin amerikan në Ugandë Scott De Lisi, ku bisedoi rreth Samitit të Liderëve SHBA-Afrikë, që sapo ka përfunduar.
Sipas Musevenit, Afrika do të ketë potencial dhe aftësi të realizojë tranzicionin ekonomik, nëse mbështetet në ndërtimin e infrastrukturës rrugore, hekurudhore dhe të rrjetit energjitik. Ai i kërkoi qeverisë amerikane të ndihmojë në ndërtimin e hekurudhës që lidh Afrikën Lindore dhe Republikën Demokratike të Kongos, dhe më tej me Etiopinë dhe Egjiptin, duke lehtësuar tregtinë mes vendeve afrikane.
Samiti i parë i Liderëve SHBA-Afrikë u zhvillua në Uashington nga 4 deri në 6 gusht. Tema e samitit ishte "Investimet në Brezin e Ardhshëm" dhe në të morën pjesë 50 udhëheqës shtetesh dhe qeverish të vendeve afrikane. (Wang Xianya)