Qendra e Komandës së manovrës antiterror, me emrin e koduar "Misioni i Paqes-2014" është vendosur zyrtarisht në Rajonin Autonom të Mongolisë së Brendëshme, në veri të Kinës. Ushtarakë nga Kina, Rusia, Kazakistani, Kirgistani dhe Taxhikistani zhvilluan mbledhjen e parë koordinuese, ku diskutuan rreth hollësive të manovrës. Manovra 6 ditore, e cila zhvillohet në kuadër të Organizatës për Bashkëpunim të Shangait, ka përfshirë 7 mijë trupa të forcave të këmbësorisë, ajrore dhe speciale.
Lidhur me këtë manovër të përbashkët ushtarake ka folur për mediet komandanti i përgjithshëm i "Komandës së Përbashkët Luftarake", Zheng Chuanfu.
"Ne kemi krijuar Komandën e Përbashkët Luftarake dhe unë jam komandanti i përgjithshëm i saj. Vendet e tjera pjesmarrëse janë përfaqësuar me zëvendës komandantë të përgjithshëm, shefa të stafit dhe punonjës të stafit të Komandës së Përbashkët."
Gjatë mbledhjes u vendos dhe plani i manovrave, në fazën e dytë të tyre. Tre operacione të përbashkëta luftarake trajnimi do të kryhen para nisjes zyrtare të manovrës, të dielën.(Eda Merepeza)