28 korriku 2014 është dita jubilare e 100 vjetorit të shpërthimit të Luftës së Parë Botërore në Europë. Vende të ndryshme zhvilluan aktivitete përkujtimore për këtë moment të rëndësishëm historik.

Në Serbi, Muzeu i Sakrifikuesve të Masakrës hapi të hënën Ekspozitën e Dokumenteve të Luftës së Parë Botërore, duke paraqitur dokumente dhe fotografi të luftës.

Në ceremoninë e hapjes së Festivalit të Salzburgut, presidenti i Austrisë Heinz Fischer u bëri thirrje vendeve europiane të nxjerrin mësime nga historia. Ai tha se njerëzit duhet ta dinë se lufta nuk mund të zgjidhë me të vërtetë problemet, ndërsa paqja realizohet me përpjekjet e pandërprera të njerëzve.

Zelanda e Re ndërkohë do të nisë një sërë aktivitetesh përkujtimore në muajin gusht, aktivitete që do të vazhdojnë për një periudhë pesë vjeçare: nga 2014 deri më 2019.

Në Britaninë e Madhe, buzë Kullës së Londrës do të "mbillen" mbi 800 mijë rrënjë lulëkuqe qeramike para nëntorit, që të përkujtohet çdo ushtar që u sakrifikua në luftë. (Wang Lei/Leftion Peristeri)