Mëngjesin e së hënës Izraeli nisi "armëpushimin e pakufizuar" në Gaza, pas 21 ditësh konflikti dhe rritjes së presionit të komunitetit ndërkombëtar, ka deklaruar për agjencinë kineze të lajmeve Xinhua, një zyrtar izraelit. Sipas tij, kjo politikë e re synon ndalimin e sulmeve izraelite në Rripin e Gazës, por ndaj sulmeve të militantëve palestinezë, ushtria izraelite do të përgjigjet me zjarr. Ndërsa sipas mediave vendëse, Izraeli do të ndalë ofensivën ushtarake nga toka dhe ajri, por do të vazhdojë shkatërrimin e tuneleve ndërkufitare të Hamasit.
Të hënën mëngjes, Këshilli i Sigurimit i OKB-së iu bashkua apelit të presidentit Obama dhe bëri thirrje për
" një armëpushim të menjëhershëm dhe të pakushtëzuar, si dhe lejimin e shërbimeve emergjente të ndihmës" në Gaza. (Eda Merepeza)