Ministri i jashtëm i Finlandës, Erkki Tuomioja deklaroi të hënën se sanksionet ndaj Izraelit dhe embargoja ndaj Hamasit mund të përbëjnë opsione të zgjidhjes së konfliktit në Gaza. Ai i bëri thirrje komunitetit ndërkombëtar të përgatitë vendosjen e sanksioneve nëpërmjet Këshillit të Sigurimit të OKB-së.
Operacionet ushtarake izraelite në Rripin e Gazës po vazhdojnë prej tre javësh dhe kanë shkaktuar 1 mijë të vdekur dhe mijëra të plagosur. Këshilli i Sigurimit i OKB-së ka kërkuar një armëpushim të menjëhershëm në terren, por ende nuk janë marrë masa konkrete për këtë. (Eda Merepeza)