Ministria e Jashtme algjeriane deklaroi të dielën se ministri i Jashtëm Ramtane Lamamra ka kontaktuar me homologun e tij francez Laurent Fabius, duke shpresuar që Franca të sqarojë fjalët e mëparshme të presidentit francez François Hollande.

Nga njoftimet e medieve franceze, pas takimit me familjarët e viktimave, François Hollande tha se trupat e viktimave do të transferohen në Francë për hetime të mëtejshme të aksidentit ajror. Por, sipas zakoneve fetare në Algjeri, trupat duhet të varrosen sa më parë në vendlindjet e tyre.

Më 24 korrik, një avion pasagjerësh "McDonnel-Douglas MD-83" i marrë me qira nga "Air Algerie" u përplas në Mali dhe të gjithë 118 personat në bord humbën jetën, duke përfshirë 54 shtetas francezë. Shtetasit e tjerë ishin nga Algjeria, Libani, Belgjika, Luksemburg, Gjermania, Kamerun, Nigeria, Egjipti etj.(Xu Guang)