Komisioni Europian ka miratuar planet e ristrukturimit për bankën kryesore greke, Bankën e Pireut, tha blloku të mërkurën nëpërmjet një deklarate.

Duke pohuar se planet ishin në përputhje me rregullat e BE-se, blloku tha se "masat e zbatuara tashmë dhe ato të planifikuara do të mundësojnë që kjo bankë të rivendosë ekuilibrin afatgjatë."

Plani i ristrukturimit konsiston në uljen e shpenzimeve operative, duke rritur të ardhurat neto nga interesi si dhe në menaxhimin e kujdesshëm të riskut bankar, thotë deklarata.

Zëvendëspresidenti i Komisionit Europian për Konkurrencën, Joaquin Almunia tha: "Integrimi i suksesshëm i shumë aktiviteteve bankare në Greqi ka forcuar pozicionin e likujditetit të Pireut." (Albana)