Bashkimi Europian do të prezantojë një paketë të re sanksionesh mbi Rusinë, pas gjendjes së krijuar të enjten e kaluar në Ukrainë, tha dje (e martë) shefja e Politikës së Jashtme Catherine Ashton.
Ashton i tha Këshillit Ministrave të Jashtëm në Bruksel se paketa e re do të përfshijë një listë më të gjerë sanksionesh për subjektet dhe personelin.
Këshilli kërkoi përfundimin e punës përgatitore mbi masat e mundshme dhe paraqitjen e propozimeve për marrjen e vendimit, duke përfshirë qasjen në tregjet e kapitalit, në fushën e mbrojtjes, mallrave me përdorim të dyfishtë dhe teknologjive të ndjeshme, duke përfshirë në sektorin e energjisë.
"Rezultatet e kësaj pune do të prezantohen të enjten, më 24 korrik", shtoi Ashton.
Në të njëjtin takim, ministrat e Jashtëm të BE-së u bënë thirrje grupeve separatiste dhe Rusisë për të siguruar "qasje të plotë, të menjëhershme dhe të sigurt," në vendin e rrëzimit të avionit të Malaysia Airlines në Ukrainë Lindore.