Vazhdon të rritet bilanci i të vdekurve nga mbytja e anijes jugkoreane Sewol. Deri të enjten në mëngjes bilanci shkoi në 162, ndërsa 140 të tjerë konsiderohen ende të humbur.
Ambasada kineze në Seul konfirmoi gjetjen e trupit të tretë, nga katër kinezë që ndodheshin në bordin e anijes.
Në operacionin e kërkimit janë angazhuar 200 anije dhe mbi 30 avionë. Gjithashtu për kërkimin e trupave po përdoren edhe robotë nënujorë.
Me rritjen e numrit të viktimave, kërkohet mbyllja sa më shpejt e operacionit të kërkim shpëtimit, ndërsa më shumë njerëz duan të dinë të vërtetën. Të enjten, prokurorët e Koresë së Jugut dhe polica miratuan fillimin e një hetimi të përbashkët që përfshin të paraburgimin e tre anëtarëve të rinj të ekuipazhit. (Vera/Leftion Peristeri)