Ministria e Jashtme e Kinës thotë se aleanca midis ShBA-së dhe Japonisë nuk duhet të nënvlerësojë sovranitetin territorial dhe të drejtat legjitime të Kinës.

Komentet erdhën pasi presidenti amerikan Barack Obama tha se ishujt Diaoyu janë pjesë e një traktati sigurie të nënshkruar midis Tokios dhe Uashingtonit gjatë Luftës së Ftohtë.

Zëdhënësi i Ministrisë së Jashtme Qin Gang:

"Ajo që dua të theksoj është se e ashtuquajtura aleanca ShBA – Japoni është një marrëveshje dypalëshe e Luftës Ftohtë dhe nuk duhet të dëmtojë sovranitetin territorial të Kinës dhe të drejtat e saj legjitime. Ne kundërshtojnë me vendosmëri përfshirjen e ishujve Diaoyu në traktatin japonez të sigurisë. ShBA-ja duhet të respektojnë faktet dhe të mbajë një qëndrim të përgjegjshëm duke vepruar në përputhje me premtimin e saj për të mos mbështetur asnjë palë në çështjet e mosmarrëveshjeve territoriale," tha Qin.

Qin thotë se qëndrimi i Kinës mbi ishujt Diaoyu është i qartë, pasi Kina mban sovranitetin e pakontestueshëm mbi ta.

Ai tha gjithashtu se provokimet e Japonisë mbi këtë çështje janë të pajustifikuara.

Japonia i pushtoi ishujt Diaoyu gjatë Luftës Kino-Japoneze në vitin 1895, por territori iu kthye Kinës pas Luftës së Dytë Botërore. (Leftion peristeri)