Numri i trupave të nxjerrë nga anija e mbytur në ujërat jugkoreane arriti në 121, ndërsa zhytësit vazhdojnë të kërkojnë brenda mjetit.
Deri tani, 181 veta, përfshirë dy kinezë, vazhdojnë të rezultojnë të humbur. Trupat e dy kinezëve të tjerë u nxorën nga anija.
Numri i njerëzve të shpëtuar mbetet i pandryshuar 174, që nga dita e mbytjes.
Vetëm të martën u nxorën 36 trupa.
Zyrtarët thonë se shumica e trupave janë gjetur në katin e tretë dhe të katërt të anijes, ku shumica e pasagjerëve ishin mbledhur.
Deri tani është arrestuar kapiteni dhe shtatë anëtarë të ekuipazhit.
Katër nga anëtarët e ekuipazhit dolën para gjykatës vendore të martën. Ata janë nën hetim për mos përmbushjen e detyrës së tyre dhe mos garantimin e evakuimit të sigurtë të pasagjerëve.
Shin është njëri prej pjesëtarëve të ekuipazhit.
"Ne u mblodhën të gjithë pasi trageti nisi të anohej dhe së pari kapiteni u përpoq ta sillte në pozicionin fillestar, por pajisjet nuk punonin. Pas kësaj kapiteni vendosi të raportonte situatën, dhe dislokoi varkat e shpëtimit, anija ishte shumë e anuar dhe nuk mundi t'ia dilte." (Leftion Peristeri)