Një zyrtar palestinez deklaroi të dielën se Organizata për Çlirimin e Palestinës (OÇP) do të diskutojë në mbledhjen e Këshillit Legjislativ që do të zhvillohet më 26 prill, për masat që duhen marrë pas dështimit të bisedimeve të paqes, duke përfshirë edhe shpërndarjen e mundshme të Autoritetit Kombëtar Palestinez.
Anëtari i Komitetit Ekzekutiv të OÇP-së Abu Yousef tha se një prej mundësive që po shqyrton presidenti Mahmud Abas është shpërndarja e Autoritetit Kombëtar Palestinez. Në këtë mënyrë, sipas tij, Palestina do të bëhet një vend i pushtuar, gjë që do të shtojë trysninë ndërkombëtare ndaj pushtimit izraelit.
Zëdhënësi i presidencës palestineze Nabil Abu Rudaina e konfirmoi lajmin, por theksoi se shpërndarja e Autoritetit Kombëtar është një prej shumë masave që po shqyrtohen dhe se deri tani nuk është marrë asnjë vendim përfundimtar. (Artani)