Zëdhënësja e diplomacisë kineze Hua Chunying tha të enjten në një konferencë shtypi në Pekin se ekonomia kineze ka luajtur rolin e lokomotivës në rimëkëmbjen e ekonomisë botërore. Në të ardhmen, Kina do të vazhdojë të forcojë bashkëpunimin me vendet e ndryshme për të dhënë kontribut të mëtejshëm në të mirën e zhvillimit të vazhdueshëm të ekonomisë botërore.
"Sipas parashikimit të FMN-së, ekonomia botërore pritet të rritet 3.6% këtë vit. Nga përmasa globale, me një rritje prej 7.4%, zhvillimi ekonomik i Kinës ende ndodhet në një nivel të lartë. Fakti që 30% e rritjes së ekonomisë botërore vjen nga kontributi i Kinës tregon se vendi ynë ka luajtur një rol udhëheqës në ruajtjen e zhvillimit ekonomik në botë", tha znj. Hua.
(Zhang Yan/Albana)