Nobelisti kolumbian për letërsinë Gabriel Garcia Marquez ndërroi jetë në Meksikë në moshën 87 vjeçare, njoftoi përfaqësuesi i familjes së tij në Twitter. Në njoftim nuk bëhen të ditura shkaqet e vdekjes, por kohët e fundit shkrimtari i njohur kurohej në një spital në kryeqytetin meksikan.

Gabriel Garcia Marquez konsiderohet si një nga autorët më të shquar në gjuhën spanjolle.

Kryevepra e tij letrare ne gjininë e realizmit magjik "100 vjet vetmi" është publikuar në mbi 30 milion kopje në mbarë botën. Marquezit iu dha çmimi Nobel për letërsinë në vitin 1982. (Eda Merepeza)