Autoritetet e Ukrainës kanë konfirmuar se një grup aktivistësh pro-rusë kanë sekuestruar 6 automjete të blinduara të Ushtrisë ukrainase.
Ministria ukrainase e Mbrojtjes bëri të ditur se automjetet u morën mëngjesin e së mërkurës në qytetin e Kramatorskit.
Sekuestrimi i autoblindave vjen një ditë pas nisjes së operacionit nga ushtria për largimin e protestuesve pro-rusë nga ndërtesat qeveritare në rajonin lindor të Ukrainës.
Autoritetet e Kievit kanë akuzuar Rusinë për orkestrimin e trazirave në vend.
Rusia ka mohuar akuzat duke bërë thirrje për federalizimin e Ukrainës.
Ndërkohë që sot në Gjenevë, Ukraina, Rusia, BE-ja dhe SHBA-ja pritet të zhvillojnë bisedime mbi tensionet aktuale. (Albana)