Nëndetësja robot "Bluefin-21" është lëshuar përsëri në ujërat e Oqeanit Indian, ku ka zhvilluar kërkimet ditët e fundit.
Autoritetet thonë se deri tani nuk është gjetur asgjë nga avioni i fluturimit MH370.
Në kërkimet e djeshme u përfshinë edhe 14 avionë, megjithëse autoritetet australiane thonë se ka ardhur koha që operacionet në sipërfaqe të pakësohen.
Ekipet ndërkombëtare kanë ngushtuar zonën e kërkimit në jug të Oqeanit Indian pas kapjes së disa sinjaleve që mendohet të jenë nga "kutia e zezë".
Që prej disa ditësh nuk është kapur asnjë sinjal i ri, duke rritur frikën se bateritë mund të kenë skaduar. (Albana)