Mijëra njerëz u mblodhën të martën në "Boylston Street" në qendër të Bostonit për përvjetorin e parë të shpërthimeve që ndodhën gjatë maratonës së Bostonit.
15 prillin e kaluar në këtë zonë u vranë 3 veta dhe u plagosën 260 të tjerë. Të pranishmit në këtë ceremoni përkujtimore, ku mes tyre të mbijetuar, familjarë dhe të afërm të viktimave mbajtën një minutë heshtje.
Me këtë rast, presidenti amerikan Barak Obama shprehu ngushëllime për familjarët e viktimave si dhe vlerësoi punën e të pranishmëve që u erdhën në ndihmë të plagosurve në momentin e aktit tragjik.
Pasditen e së martës, Shtëpia e Bardhë organizua një ceremoni përkujtimore. Gjithashtu në Boston u zhvilluan një sërë aktivitetesh përkujtimore, ku morën pjesë shumë qytetarë, pavarësisht kushteve të motit. (Xu Guang)