Kryetari i Shtetit i Kinës Xi Jinping u takua në Pekin me ministrin e Jashtëm të Rusisë, Sergei Lavrov.
Në këtë takim, Xi bëri thirrje për zgjerimin e mbështetjes së përbashkët politike mes dy vendeve. Ai tha se marrëdhëniet dypalëshe ndodhen në periudhën e tyre më të mirë dhe kanë sjellë përfitime jo vetëm për 2 palët, por gjithashtu kanë luajtur një rol të pazëvendësueshëm për paqen dhe stabilitetin në botë.
Ai ftoi homologun e vet rus Vladimir Putin për një vizitë shtetërore në Kinë dhe të marrë pjesë në Konferencën për Interaksion dhe Ndërtim të Masave të Besimit në Azi, që pritet të zhvillohet në maj, në Shangai.
Gjatë takimit, Lavrov informoi shkurtimisht Xi-në mbi qëndrimin e Rusisë ndaj Ukrainës. Ndërkohë, Xi shtjelloi pozicionin e Kinës për këtë çështje. (Albana)