Në ceremoninë e ndarjes së çmimeve të Festivalit të Filmit Aziatik, të zhvilluar të enjten në Makao, filmi epik i arteve marciale "Mjeshtri i madh" u nderua me shtatë trofe, duke përfshirë dhe çmimin si "Filmi më i mirë i festivalit". I frymëzuar nga jeta e Yip Man, ky film paraqet disa dekada të historisë së Kinës dhe prodhimi i tij ka zgjatur mbi gjashtë vjet.

Puna kolosale e stafit është kurorëzuar me çmimin për "Aktoren më të mirë të festivalit" akorduar Zhang Ziyi dhe regjizorit Wong Kar Wai, i cili u shpall "Regjizori më i mirë".

Në fjalën e mbajtur pas marrjes së çmimit, regjizori kinez Wong shprehu ngushëllimet për ndarjen nga jeta të njërit prej regjizorëve të filmave me arte marciale, i cili ishte një nga pasagjerët e avionit të "Malasyia Airilines", i zhdukur pak kohë më parë. Regjizori Wong u bëri thirrje autoriteteve malajziane të jenë transparentë në dhënien e informacioneve, lidhur me kërkimin e mbetjeve të avionit.

Në festival u vlerësua dhe filmi indian "The Lunchbox", ku Irfan Khan mori çmimin "Aktori më i mirë". (Eda Merepeza)