Kryeministri kinez Li Keqiang dhe liderët e 16 vendeve të Europës Qendrore dhe Lindore vizituan mesditën e së martës Ekspozitën e Infrastrukturës dhe Prodhimit të Pajisjeve Hekurudhore kineze.
Gjatë vizitës u paraqitën disa nga karakteristikat e hekurudhës kineze të shpejtësisë së lartë, si fuqia, kapaciteti, kursimi i energjisë etj.
Li Keqiang u prezantoi liderëve të Europës Qendrore dhe Lindore epërsinë e dukshme të Kinës në këtë fushë, si teknologjia e përparuar, përvojë e pasur në ndërtim etj. Ai theksoi se teknologjia e hekurudhave mund të plotësojë kërkesat e tregut në vendet e ndryshme.
Shefi i qeverisë kineze nënvizoi se infrastruktura dhe prodhimi i pajisjeve janë një fushë e rëndësishme e përfitimeve reciproke midis Kinës dhe vendeve të Europës Qendrore e Lindore. Qeveritë e këtyre vendeve duhet të nxisin krijimin e një mjedisi të përshtatshëm për bashkëpunimin reciprok. (Xu Guang)