Kryeministri i ri i dekretuar i Shqipërisë Edi Rama prezantoi në Kuvend programin qeverisës për periudhën 2013-2017, në përputhje me axhendën e integrimit europian të vendit në periudhën 2014-2020.

Pikat kyçe të programit janë kultura e kompromisit, ndërmarrja e reformave rrënjësore dhe nismave për promovimin e profesionalizmit.

"Vizioni ynë është i përqëndruar në partneritetin strategjik me SHBA-në dhe BE-në, konsolidimin e marrëdhënieve me vendet anëtare të NATO-s dhe BE-së, si Italia, Greqia, Turqia , me vendet e Mesdheut dhe të Ballkanit.Do të thellojmë bashkëpunimin me Gjermaninë dhe Austrinë, rritjen e shkëmbimeve me Francën dhe Britaninë e Madhe, Holandën dhe Spanjën si dhe me vende të tjera të botës", nënvizoi kryeministri Rama në prezantimin para deputetëve të programit qeverisës.(Eda Merepeza)