Takimi dyditor i drejtuesve të pushtetit lokal të Kinës dhe të vendeve të Europës Qendrore e Lindore do të zhvillohet të mërkurën në qytetin Chongqing të Kinës jugperëndimore.

Lajmi u bë i ditur në një konferencë për shtyp të organizuar të hënën nga Zyra e Informacionit e Bashkisë së Chongqing-ut.

Sipas zëdhënësit Tang Wenit, deri më tani, janë regjistruar 293 përfaqësues nga 53 provinca dhe qytete të vendeve të Europës Qendrore e Lindore. Përveç tyre, në takim do të jenë të pranishëm edhe mbi 700 pjesëmarrës nga 16 provinca, ministri dhe kompani kineze.

Shqipëria do të përfaqësohet nga ambasadori Kujtim Xhani dhe kryebashkiaku i Durrësit, Vangjush Dako.

Gjithashtu do të organizohen një sërë aktivitetesh, përfshirë ekspozita fotografike e shfaqjen e filmave që njihen nga publiku kinez, si ai shqiptar "Ngadhënjim mbi vdekjen".