Vizita e Li Keqiang-ut në Brazil është "shumë e rëndësishme" dhe gjatë saj janë nënshkruar marrëveshje dypalëshe në fusha si aviacioni, manifaktura, energjia elektrike, minierat dhe përpunimi i ushqimit, u shpreh Paulo Wrobel, kërkues në Qendrën për Politikat e BRICS-it.
Gjatë qëndrimit në Brazil, Li gjithashtu njoftoi krijimin e një fondi të veçantë prej 30 miliardë dollarësh amerikanë për të mbështetur bashkëpunimin në kapacitetet prodhuese midis Kinës dhe Amerikës Latine.
Claudio Frishtak, nga kompania e konsulencës "Inter B", i tha gazetës " O Globo" se investimet kineze do t'i japin shtysë ekonomisë braziliane që po kalon një ngadalësim.
Ekspertët brazilianë gjithashtu folën pozitivisht për projektin e hekurudhës transkontinentale që lidh bregdetin e Atlantikut të Brazilit me bregdetin e Paqësorit të Perusë.
Ky plan ambicioz do të shkurtojë rrugët e transportit dhe prej tij do të përfitojnë bizneset logjistike, u shpreh po për të përditshmen "O Globo" Paulo Resende i Fondacionit "Dom Cabral".
Duke kaluar nëpër malet e Andeve, "largësia me Europë do të përgjysmohet dhe me Kinën do të ulet me një të tretën," tha ai.
