2019-11-27 17:11:06 | CRI | Komenti juaj | Printoni |
Në Ligën e Kampioneve të UEFA-s, "Paris Saint-Germain" shënoi dy gola në fund të ndeshjes, duke barazuar 2-2 me "Realin" e Madridit dhe duke zënë vendin e parë në Grupin A.
Kylian Mbappé shënoi në ndeshjen e vet të parë pas javësh dëmtimi.
Me gjithë barazimin, edhe "Reali" e siguroi një vend për në fazën tjetër falë barazimit 1-1 të "Bruzhit" me "Gallatasarajin" në ndeshjen tjetër të grupit.
"Totenhemi" arriti ta marrë veten nga dy gola disavantazh, duke mposhtur "Olimpiakosin" 4-2 në debutimin brenda fushe të Jose Mourinho-s, duke kaluar që tani në fazën tjetër, megjithëse ka edhe një ndeshje për të luajtur.
Paulo Dybala shënoi nga një kënd i vështirë, duke i dhënë "Juventusit" fitoren 1-0 ndaj "Atletikos" së Madridit. "Zonja e vjetër" ka siguruar kështu vendin e parë në grupin e vet.
"Bajerni" i Mynihut, tashmë i kualifikuar, arriti një fitore tenistike 6-0 me "Crvena Zvezdan" e Beogradit.
Edhe "Manchester City" kaloi në një të tetat pavarësisht paraqitjes jo të mirë në ndeshjen me "Shakhtarin" e Donetskit, që përfundoi në barazim 1-1. (Artan Goga)