Buffon-i rikthehet te "Juventusi"

Ish-portieri i kombëtares italiane Gianluigi Buffon është rikthyer te ish-klubi i vet i "Juventusit".

41-vjeçari Buffon qëndroi 17 vjet me "zonjën e vjetër" para se të kalonte te "Paris St-Germain" verën e kaluar.

Ai ka nënshkruar një kontratë njëvjeçare me kampionët e Italisë.

Buffon-it i duhet të luajë vetëm në tetë ndeshje të tjera të "Serie A" për të thyer rekordin prej 647 ndeshjesh, të mbajtur nga legjenda e "Milanit", Paolo Maldini.