COVID-19, PBB-ja e Gjermanisë ulet 2.2% tremujorin e parë

Prodhimi i Brendshëm Bruto (PBB) i Gjermanisë në tremujorin e parë të vitit 2020 u ul me 2.2 për qind në krahasim me tremujorin e 4-t të vitit 2019, sipas njoftimeve të Zyrës Federale të Statistikave Gjermane (Destatis) publikuar të premten.

Sipas Destatis, kjo është rënia më e madhe që nga kriza globale financiare dhe ekonomike e 2008/2009, dhe e dyta më e madhe që nga bashkimi i Gjermanisë.

"Pandemia e koronavirusit e ka goditur rëndë ekonominë gjermane," vuri në dukje Destatis në një deklaratë. (Albana)