Britania kërkon vullnetarë për të ndihmuar shërbimin shëndetësor kundër COVID-19

Ministri britanik i Shëndetësisë thotë se Britania po kërkon vullnetarë për të ndihmuar të prekurit nga koronavirusi i ri.

Matt Hancock është shprehur se vullnetarët do të punojnë së bashku me punonjësit e Shërbimit Kombëtar të Shëndetësisë.

Vullnetarët do të kenë për detyrë të ofrojnë ilaçe, do të çojnë pacientët me makinë në spitale dhe do t'i marrin prej andej dhe do t'u telefonojnë atyre që janë mbyllur në shtëpi për t'i kontrolluar.

Hancock-u shtoi se në një qendër ekspozite në Londër do të ndërtohet një spital i përkohshëm, i cili pritet të mbajë deri në 4000 pacientë.

Ai tha se qeveria ka blerë gjithashtu 3.5 milion teste antitrupash për t'i lejuar njerëzit të shohin nëse e kanë pasur virusin. (Çang Çuo)