Lufta e Kinës kundër virusit i ka sjellë botës besim

2020-03-10 09:30:48 CRI Komenti juaj Printoni

Përfaqësues të vendeve të ndryshme janë shprehur se rënia e numrit të rasteve të reja të COVID-19 në Kinë do t'i japë besim pjesës tjetër të botës që po lufton me përhapjen e shpejtë të virusit.

Drejtori i Departamentit të Azi-Paqësorit në Ministrinë e Punëve të Jashtme të Etiopisë Dawit Yirga thekson:

"Unë mendoj se udhëheqja e presidentit Xi Jinping duhet të vlerësohet shumë për sa i përket kësaj përpjekjeje, e cila ka ndihmuar në kontrollimin e përhapjes së virusit. OBSh-ja dëshmoi se kjo i dha kohë pjesës tjetër të botës kohën e duhur për t'u përgatitur për reagimin. Dhe unë mendoj se ky është një kontribut shumë i rëndësishëm".

Shumë vende dhe ekspertë po mbikëqyrin nga afër masat e parandalimit dhe kontrollit të Kinës gjatë luftës kundër epidemisë së koronavirusit të ri.

Ish-zyrtari kenian Boaz Mbaya thotë se masat e Kinës dhe njoftimet e ngadalësimit të përhapjes së virusit në vend i kanë sjellë botës besim:

"Hapat që ka ndërmarrë qeveria kineze, tregojnë se ajo është në gjendje të merret me emergjencat e këtij lloji. Kina është 'fabrika e botës', kështu që çdo gjë që ndikon në aftësinë prodhuese të Kinës prek mbarë botën. Mendoj se është e lavdërueshme që tani po raportohen gjithnjë e më pak infeksione".

Etiopia dhe Kenia janë ndër vendet që nuk kanë raportuar ende raste të virusit.

Mbi 100 vende kanë njoftuar për raste të tilla, përfshirë nëntë vende afrikane.(Artan)

Mrekulli
Lajmet Kryesore