OBSh-ja: Raporti i Kinës, i rëndësishëm për këshillime në luftën ndaj virusit

OBSh-ja thotë që raporti i fundit epidemiologjik nga Kina mbi COVID-19 është i rëndësishëm, sepse i mundëson kësaj organizate që t'u ofrojë këshilla vendeve të tjera.

Sekretari i Përgjithshëm i OBSh-së Tedros Adhanom Ghebreyesus thotë:

"Sot (Të martën) Kina ka publikuar një dokument me të dhënat e detajuara mbi më shumë se 44 mijë raste të konfirmuara të COVID-19. Kjo na ka dhënë mundësinë të kemi njohuri më të mira për moshën e të infektuarve, nivelin e seriozitetit të sëmundjes dhe vdekshmërinë."

Ai theksoi që këto të dhëna janë shumë të rëndësishme që OBSh-ja të japë këshilla për vendet e tjera mbi bazën e provave.

Ai i inkurajoi gjithashtu të gjitha vendet të publikojnë të dhënat e tyre.

Një ekip ndërkombëtar ekspertësh nga OBSh-ja po punon në Kinë me homologët kinezë për të kuptuar më mirë epideminë.

Kreu i OBSh-së ritheksoi që duhet të shfrytëzohet hapësira e mundësisë për të luftuar kundër virusit, meqë shumica e rasteve janë brenda Kinës.(Jiang Lei)