Rouhani: Irani, i gatshëm për bisedime nëse ShBA-ja heq sanksionet

2019-12-05 11:17:37 CRI Komenti juaj Printoni

Presidenti i Iranit Hassan Rouhani tha se vendi i tij është i gatshëm për bisedime për çështjen bërthamore me ShBA-në dhe fuqitë e tjera botërore, nëse Uashingtoni heq sanksionet ndaj Teheranit.

Ekonomia iraniane është goditur më shumë pas tërheqjes së ShBA-së nga marrëveshja bërthamore dhe rivendosjes së sanksioneve.

Rouhani ka kërkuar prej kohësh heqjen e sanksioneve amerikane që Irani të kthehet në bisedimet bërthamore, por Uashingtoni e ka përjashtuar mundësinë e një gjëje të tillë nëse Teherani nuk ndalon programin e vet bërthamor.

Irani filloi të heqë dorë nga disa prej premtimeve të tij të bëra në kuadër të marrëveshjes bërthamore të vitit 2015, me shpresën për të siguruar lëshime nga palët e tjera të kësaj marrëveshjeje. (Fang Xiaoyu/Artan Goga)

Mrekulli
Lajmet Kryesore