2019-10-22 11:14:32 | CRI | Komenti juaj | Printoni |
Ministri i Jashtëm i Kinës Wang Yi dhe homologu i tij francez Jean-Yves Le Drian bashkëdrejtuan të hënën sipas kohës vendore takimin e 5-të të Mekanizmit të nivelit të lartë mbi Shkëmbimet Njerëzore Kinë-Francë.
Wang Yi u shpreh se dy palët duhet të promovojnë njohjen e ndërsjellë midis qytetërimeve dhe të japim një shembull për bashkëjetesën dhe bashkëpunimin harmonik të qytetërimeve të ndryshme. Së dyti, tha kryediplomati kinez, palët duhet të përqendrohen në bashkëpunimin e ardhshëm për të thelluar në mënyrë gjithëpërfshirëse trajnimin e talenteve të nivelit të lartë në kolegje dhe universitete të të dyja vendeve, për të zgjeruar shkallën e studimit të dyanshëm jashtë vendit dhe për të përmirësuar nivelin e bashkëpunimit në drejtimin e studimit.
Së treti, shtoi ai, palët duhet të forcojnë udhëheqjen e projekteve, të përqendrojnë burimet në ndërtimin e projekteve me perspektivë dhe të shfrytëzojnë mundësitë e rëndësishme për Lojërat Olimpike Dimërore të Pekinit 2022 dhe Lojërave Olimpike Verore në Paris 2024, për të përmirësuar nivelin e organizimit të ngjarjeve dhe të bashkëpunimit sportiv.
Së katërti, palët duhet të zgjerojnë pjesëmarrjen e njerëzve dhe ne, shtoi ai, duhet që jo vetëm të hapim kanalet kryesore të bashkëpunimit ndërqeveritar, por edhe të pasurojmë platformat e shkëmbimeve njerëzore si dhe të nxisim në mënyrë aktive shkëmbimet dhe bashkëpunimin midis të rinjve dhe grave.
Ministri i Jashtëm francez Jean-Yves Le Drian u shpreh se Mekanizmi i nivelit të lartë mbi Shkëmbimet Njerëzore mes Kinës dhe Francës është bërë një pjesë e rëndësishme e marrëdhënieve dypalëshe dhe bashkëpunimi ka arritur rezultate të jashtëzakonshme. Në frymën e hapjes dhe respektit të ndërsjellë, Franca është e gatshme të thellojë shkëmbimet njerëzoro-kulturore me Kinën. Ne, shtoi ai, duhet të nxisim arritjen e më shumë rezultateve, të sjellim fitime për popujt e të dy vendeve dhe bashkërisht të mbrojmë dhe njohim dialogun midis qytetërimeve. Franca, theksoi Le Drian, është e gatshme të punojë me Kinën për të festuar Vitin e Kulturës dhe Turizmit 2021, për të nxitur shkëmbimet dhe bashkëpunimin në fushat si sport, arsim, bashkëpunimin mes të rinjve dhe grave si dhe në fusha të tjera. (Fang Xiaoyu)