Kina dënon me forcë përfshirjen e departamenteve të policisë të Xinjiang-ut në "Listën e subjekteve" nga ShBA-ja

Kina ka përsëritur kundërshtimin e saj ndaj vendosjes prej Shteteve të Bashkuara të subjekteve kineze, përfshirë departamentet e policisë të Xinjiang-ut, në një listë të zezë tregtare.

Zyra e grupit drejtues të antiterrorizmit e Kinës thotë që masat e marra në Xinjiang kanë për qëllim eliminimin e terrenit për terrorizmin dhe ekstremizmin.

Sipas saj, policia e Xinjiang-ut ka ushtruar detyrën e vet dhe ka frenuar veprimtaritë terroriste.

Zyra i bën thirrje palës amerikane që të braktisë standardet e dyfishta në çështjet antiterroriste dhe të ndalojë mbështetjen e forcave terroriste të lidhura me "Turkistanin Lindor".

Deklarata shton se Kina do të vazhdojë të marrë masa të fuqishme për të goditur terrorizmin dhe ekstremizmin sipas ligjit. (Vera)