2019-07-30 09:09:14 | CRI | Komenti juaj | Printoni |
INSTAT bën të ditur se, sezoni turistik rriti fluksin e udhëtarëve por edhe të mallrave në transportin ajror, i cili regjistron rritje për të tretin vit radhazi.
Sipas statistikave zyrtare në muajin qershor 2019, transporti ajror i pasagjerëve zë 66.7% të transportit gjithsej.
Numri i pasagjerëve që kanë udhëtuar me linja ajrore, në gjashtëmujorin e parë 2019 është 1,411,479 persona.
Në gjashtëmujorin e parë 2019, me rrugë ajrore janë transportuar 1145 tonë mallra, duke u rritur 6.5%, krahasuar me të njëjtën periudhë 2018.
Numri i fluturimeve të kryera në qershor 2019 është 2626, duke shënuar një rritje me 13.5%, ndaj qershorit 2018, bën të ditur INSTAT. (ATSH)