Kina, sanksione ndërmarrjeve amerikane që i shesin armë Tajvanit

Kina do të ushtrojë sanksione ndaj kompanive amerikane që janë të përfshira në shitjen e armëve Tajvanit me një vlerë prej 2.22 miliardë dollarësh amerikanë, njoftoi Ministria e Punëve të Jashtme e Kinës javën e kaluar. Kjo është një masë e domosdoshme e një vendi sovran për mbrojtjen e interesave kombëtare thelbësore.

Dihet nga të gjithë që Tajvani është pjesë e pandarë e territorit kinez. Shitja e armëve Tajvanit nga ShBA-ja shkel jo vetëm ligjin e marrëdhëniet ndërkombëtare, por edhe parimin e 'Një Kine' dhe rregullat në 3 komunikatat e përbashkëta Kinë-ShBA.

ShBA-ja i shet armë Tajvanit për të mbrojtur sigurinë e ishullit? Sigurisht që jo! Në ShBA, qeveria ka lidhje të ngushtë interesash me grupet e armëve, ky nuk është sekret. Krahas orvatjes së pengimit të Kinës nëpërmjet Tajvanit, shitja e armëve ishullit bëhet për interesa përfitimi të biznesmenëve të armëve të ShBA-së.

Por shitja e armëve Tajvanit nuk është një veprim i thjeshtë tregtar, ky është veprim që dëmton rëndë sovranitetin e Kinës dhe ndërhyn në punët e brendshme të Kinës, për të cilën qeveria kineze ka zero tolerancë.

Veprimi i palës amerikane dëmton jo vetëm paqen e stabilitetin në ngushticën e Tajvanit, por gjithashtu edhe marrëdhëniet e bashkëpunimin kino-amerikan. Pala kineze mban qëndrim të vendosur e të qartë në mbrojtjen e sovranitetit e të tërësisë territoriale të shtetit. Çdo ndërmarrje apo individ që sfidojnë sovranitetin, bashkimin, tërësinë territoriale dhe sigurinë shtetërore të Kinës, do të paguajnë çmim të lartë në fund. (Fani)