2019-01-11 10:35:15 | CRI | Komenti juaj | Printoni |
Presidenti i Brazilit e ka tërhequr vendin e tij nga Marrëveshja e Kombeve të Bashkuara për Migrimin, duke mbajtur premtimin e vet para marrjes së detyrës.
Jair Bolsonaro tha se politikat e migrimit duhet të përcaktohen në nivel kombëtar.
Largimi i Brazilit shënon mospranimin më të fundit të kësaj marrëveshjeje jodetyruese, e cila ka shkaktuar protesta veçanërisht nga politikanët e së djathtës ekstreme në Evropë.
Brazili ishte ndër 160 vendet që e nënshkruan marrëveshjen muajin e kaluar, kur në pushtet ishte administrata e kaluar.
Afro 30 vende, duke përfshirë ShBA-së, nuk kanë pranuar ta nënshkruajnë atë.(Xu Guang)