2019-01-10 09:10:56 | CRI | Komenti juaj | Printoni |
Ministria kineze e Tregtisë ka bërë të ditur në një deklaratë se nga e hëna deri të mërkurën, Kina dhe ShBA-ja zhvilluan në Pekin konsultime në nivel zv.ministrash mbi problemet ekonomiko-tregtare.
Përfaqësuesit e të dy palëve, duke vënë në jetë konsensusin e arritur midis liderëve të të dy vendeve, shkëmbyen mendime në mënyrë të gjerë, të thellë dhe të hollësishme mbi çështjet e tregtisë dhe të strukturës ekonomike me interes të përbashkët. Bisedimet shtuan njohjen e ndërsjellë dhe hodhën bazat për zgjidhjen e problemeve që shqetësojnë të dy palët.
Në deklaratë vihet në dukje gjithashtu se të dy palët ranë dakord të ruajnë kontaktet e ngushta në të ardhmen.
(Zhang Yan/Artan Goga)