2018-12-06 20:46:04 | CRI | Komenti juaj | Printoni |
Ministria kineze e Tregtisë tha të enjten se rritja e tregtisë së jashtme të Kinës vitin e ardhshëm do të ketë një bazë të fortë, me gjithë sfidat e jashtme.
Ndërsa Kina vazhdon të nxitë reformën strukturore në fushën e ofertës, struktura e eksporteve dhe importeve të vendit do të optimizohet më tej, ndërsa potenciali i rritjes së importeve do të forcohet, tha zëdhënësi i Ministrisë së Tregtisë të Kinës Gao Feng në një konferencë të përjavshme për shtypin.
Gao vuri në dukje se, megjithëse faktorët e jashtëm të pasigurt, si proteksionizmi dhe unilateralizmi, do të shtojnë sfidat ndaj rritjes së tregtisë vitin e ardhshëm, prirja e globalizimit ekonomik mbetet e pandryshuar dhe kërkesa nga tregjet kryesore vazhdon të zgjerohet.