2018-11-09 09:35:38 | CRI | Komenti juaj | Printoni |
Ministri i Financave dhe Ekonomisë Arben Ahmetaj, tha dje në Komisionin e Ekonomisë se në paketën e re fiskale përjashtohet importi i makinerive bujqësore nga TVSH-ja.
"Ligji ekzistues përjashton nga TVSH-ja vetëm fermerët individualë që importojnë, ndërsa ne do të përjashtojmë edhe bizneset që merren me këtë veprimtari", – tha ai.
Kjo masë, u shpreh Ahmetaj, do të lejojë tregtarët të blejnë makineri bujqësore dhe t'i shesin pa TVSH, si dhe do t'i japë nxitje prodhimit bujqësor përmes teknologjive të reja. (ATSH)