May, gatishmëri për të zgjatur periudhën e tranzicionit pas "Brexit"

Kryeministrja britanike Theresa May u tha të mërkurën krerëve në Samitin Europian në Bruksel se do ta konsiderojë zgjatjen e periudhës së tranzicionit pas "Brexit"-it me një vit shtesë për ta bërë atë 3-vjeçare, në një përpjekje për ndonjë pikë kthese pas ngecjes së negociatave rreth çështjes së kufirit të Irlandës së Veriut.

Duke folur me krerët e tjerë të BE-së përpara një darke pune të Këshillit Europian, May tha se do ta konsiderojë zgjatjen e periudhës tranzitare si pjesë të një kompromisi për kufirin irlandez.

Bisedimet e "Brexit"-it ngecën të hënën, kur këmbëngulja e BE-së për një çështje të Irlandës së Veriut e bllokoi kryeministren britanike në mesin e anëtarëve të qeverisë së koalicionit të saj, të cilët nuk donin të pranonin një kufi doganor në Detin Irlandez.

BE-ja refuzoi pranimin e çdo marrëveshjeje që nuk respekton marrëveshjet e të "Premtes së Mirë", e cila ndalon "kufirin e vështirë" mes Irlandës së Veriut dhe Republikës së Irlandës, por Britania nuk ka qenë në gjendje të propozojë një zgjidhje që do të respektojë rregulloret e BE-së të nevojshme për shmangien e një kufiri të vështirë.

Deklaratat të mërkurën nga Franca dhe Gjermania konfirmuan se dy lojtaret e fuqishme të BE-së po bënin përgatitjet për një Brexit pa marrëveshje.