2018-10-16 09:39:54 | CRI | Komenti juaj | Printoni |
Një ekip turk hyri në konsullatën saudite në Stamboll të hënën, për të kryer një kërkim lidhur me zhdukjen e gazetarit saudit Jamal Khashoggi.
Delegacioni turk, që përfshinte oficerë policie dhe hetues të skenave të krimit, mbërriti në konsullatë me shtatë - tetë automjete, duke përfshirë një furgon të mjekësisë ligjore.
Policia ka rritur masat e sigurisë në zonë, duke bllokuar të gjitha rrugët që të çojnë në konsullatë.
Të dy vendet ranë dakord javën e kaluar për të punuar së bashku për çështjen dhe për të kryer një kërkim të përbashkët në konsullatë, ku Khashoggi u pa për herë të fundit më 2 tetor.
Turqia beson se gazetari është vrarë dhe trupi i tij është larguar, ndërsa Arabia Saudite i ka hedhur poshtë akuza të tilla.