2018-10-12 19:36:49 | CRI | Komenti juaj | Printoni |
Dhoma Kombëtare e Industrisë së Transformimit e Meksikës ka kërkuar që Shtetet e Bashkuara "të heqin menjëherë" tarifat e larta për çelikun dhe aluminin meksikan, pas një pakti të ri tregtar të Amerikës së Veriut.
Sipas këtij institucioni, tarifat nuk përputhen me Marrëveshjen e re mes Shteteve të Bashkuara të Amerikës, Meksikës dhe Kanadasë.
Dhoma thotë se tarifat e larta janë "një pengesë për tregtinë e lirë", duke shtuar se tashmë kjo ka pasur ndikim në lëndët e para për një sërë sektorësh, si mobiliet, pajisjet shtëpiake dhe veglat e punës.
Më 30 shtator, Meksika, ShBA-ja dhe Kanadaja zëvendësuan "Marrëveshjen e Tregtisë së Lirë të Amerikës së Veriut", e cila ka qenë në fuqi që nga viti 1994. (Artan Goga)