Khamenei: Irani do t'i përballojë saksionet e ShBA-së

Udhëheqësi suprem iranian Ajatollah Ali Khamenei ka thënë se Irani do t'i përballojë sanksionet ekonomike të ShBA-së.

Khamenei bëri thirrje për unitet midis të gjithë iranianëve përballë sanksioneve amerikane.

Gjykata Ndërkombëtare e Drejtësisë shpalli të mërkurën një vendim kundër sanksioneve të njëanshme të Shteteve të Bashkuara kundër Iranit, pas tërheqjes së Uashingtonit nga marrëveshja bërthamore iraniane e vitit 2015.

Në vendim theksohet se rivendosja e sanksioneve kundër Teheranit shkel pikat e "Traktatit të miqësisë" të vitit 1955 midis dy vendeve dhe i kërkohet ShBA-së të sigurojë që këto sanksione nuk do të ndikojnë në gjendjen humanitare e nuk do të kërcënojnë sigurinë e aviacionit civil.