2018-07-23 10:25:52 | CRI | Komenti juaj | Printoni |
Takimi Veror i Shoqatës Kombëtare të Guvernatorëve sapo përfundoi në Santa Fe të New Mexico.
Guvernatorët e Shteteve në ShBA janë shprehur të shqetësuar rreth paqartësive të shkaktuara nga tensionet e tanishme të tregtisë globale dhe shpresojnë në përfundimin e konfliktit të tanishëm tregtar përmes negociatave.
Në dekadën e fundit, eksportet e Uashingtonit në Kinë janë rritur me 240 për qind.
Jay Inslee, guvernatori i Shtetit të Uashingtonit u shpreh se nën renë e pasigurisë në tensionet tregtare, do të ndikohet jo vetëm bujqësia, por edhe industritë e tjera.
John Hickenlooper, guvernatori i Kolorados, thotë se marrëdhëniet e shëndosha tregtare shërbejnë si një forcë motivuese për ekonominë globale dhe stabilitetin ndërkombëtar, por tensioni tregtar do të shkatërrojë besimin reciprok.
Tregu kinez është i rëndësishëm për 50 shtetet e ShBA-së, që mund të ilustrohet nga statistikat që disponojmë. Kina renditet një nga pesë tregjet kryesore të eksportit të mallrave dhe shërbimeve në shumicën e shteteve, duke mbështetur më shumë se 1 milion vende pune në ShBA.
Statistikat nga Këshilli i Biznesit i ShBA-Kinë tregojnë se në dhjetë vitet e fundit, 49 shtete të Shteteve të Bashkuara kanë rritur eksportet e tyre në Kinë, 17 prej të cilave kanë arritur një rritje treshifrore. Të gjitha eksportet e shërbimeve të Shteteve të Bashkuara në Kinë u rritën ndjeshëm dhe 31 shtete regjistruan një rritje mbi 300% të eksportit të shërbimeve. (Albana)