2018-06-26 10:18:52 | CRI | Komenti juaj | Printoni |
Zëvendësuesi Iago Aspas i dha në kohën shtesë Spanjës barazimin dramatik 2-2 me Marokun.
Goli i Aspas-it duhej të konfirmohej me ndihmën e Videoasistencës për Gjyqtarin (VAR), pasi në fillim u vlerësua si pozicion jashtë loje.
Trajneri i Spanjës Fernando Hierro paralajmëroi se ekipi duhet të forcohet në mbrojtje:
"Natyrisht ne mund të përmirësohemi. Ka gjëra ku patjetër duhet të punojmë dhe do të jemi vetëkritikë. Pësimi i pesë golave në tre ndeshje nuk është rruga për të shkuar përpara. Kjo është ajo që u kam thënë lojtarëve të mi dhe që vazhdoj t'u them. Megjithatë, ata janë profesionistë me pjekuri dhe e kuptojnë si është gjendja."
Spanja u rendit e para në grup falë golavarazhit, pasi edhe Portugalia arriti vetëm barazimin 1-1 me Iranin.
Cristiano Ronaldo humbi një penallti për Portugalinë dhe mori një karton i verdhë pas një shqyrtimi të gjatë të VAR-it.
Irani shënoi një penallti në minutat e fundit, e dhënë edhe ajo pas rishikimit të VAR-it.
Në Grupin A, fillimi mbresëlënës i Rusisë në Kupën e Botës përfundoi pas mundjes lehtësisht nga Uruguai 3-0.
Me këtë fitore, Uruguai kryeson grupin dhe do të luajë me Portugalinë në 1/16-at, kurse Rusia me Spanjën.
Në ndeshjen tjetër të Grupit A u takuan dy skuadrat e eliminuara tashmë të këtij grupi. Arabia Saudite arriti fitoren e vet të parë në një finale të Kupës së Botës që nga viti 1994, duke mundur Egjiptin 2-1.
Portieri 45-vjeçar egjiptian Essam El-Hadary u bë lojtari më i vjetër që ka luajtur ndonjëherë në një botëror.