2018-06-19 09:30:02 | CRI | Komenti juaj | Printoni |
Presidenti i Filipineve Rodrigo Duterte u shpreh se mosmarrëveshja e Detit të Kinës Jugore mund të zgjidhet vetëm nëpërmjet komunikimit të sinqertë dhe se unilateralizmi nuk e zgjidh problemin.
Duterte i tha këto në takimin me rastin e 120-vjetorit të themelimit të departamentit të punëve të jashtme të vendit, duke u zotuar për dhënien fund të mosmarrëveshjes brenda kushteve të tij.
Gjatë fjalimit, Duterte theksoi se çështja e Detit të Kinës Jugore përfaqëson vetëm një pjesë të marrëdhënieve Kinë-Filipine dhe se lidhjet e mira dypalëshe janë në interes të vendit të tij në aspektin e ekonomisë dhe sigurisë.
Ai theksoi gjithashtu se Filipinet shpresojnë të zgjerojnë bashkëpunimin me Kinën për armët dhe pajisjet, për të rritur aftësinë e ushtarëve në ruajtjen e sigurisë kombëtare.
Ndërkohë, Sekretari i Punëve të Jashtme tha se administrata përkrah një politikë të pavarur diplomatike e cila në thelb lejon miqësinë me çdo vend të botës. (Albana)