Putin: Rusia gati për Kampionatin Botëror të Futbollit

2018-06-14 10:20:35 CRI Komenti juaj Printoni

Presidenti rus Vladimir Putin mbajti të mërkurën një fjalim në Konferencën e 68-të të Federatës Ndërkombëtare të Shoqatës së Futbollit (FIFA). Ai tha se "Rusia është gati për të mirëpritur tifozët e botës që ata të ndiejnë ngrohtësinë dhe mikpritjen këtu."

Konferenca e FIFA-s nisi punimet më 13 qershor në Qendrën e Ekspozitave në Moskë. Në fjalimin e tij të posaçëm, presidenti Putin shprehu falënderimet për përkrahjen që anëtarët e FIFA-s dhanë ndaj organizimit të Kupës së Botës në Rusi.

Ai tha se Rusia do të realizojë ëndrrën e organizimit të Kupës së Botës dhe shpreson që tifozët e botës të ndihen komodë me hapësirat dhe infrastrukturën moderne, të gëzojnë Kampionatin e kësaj here si dhe të shijojnë bukurinë e këtij vendi.

Putin theksoi se Kupa e Botës është jo vetëm një arenë, por edhe një platformë për të shtuar njohjet reciproke, për të bërë më shumë miq dhe për të forcuar komunikimin përmes futbollit. (Xu Guang/Albana)

Mrekulli
Lajmet Kryesore