Zgjerimi dhe hapjes është zgjedhja dhe premtimi i Kinës

Sivjet shënohet 40 vjetori i fillimit të reformës dhe hapjes së Kinës. Në muajin prill, në Forumin e Boao-s për Azinë, presidenti Xi Jinping njoftoi masa të mëtejshme për hapjen e tregut, shtimin e mbrojtjes së të drejtave të pronësisë intelektuale dhe shtimin e importit. Ndërkohë, guvernatori i Bankës Popullore të Kinës, Yi Gang, njoftoi masat konkrete dhe kohën e hapjes së sektorit financiar.

Zgjedhja aktive

Në botën e sotme, hapja dhe integrimi është prirja kryesore. Në historinë e Kinës, për shkak të mbylljes së tregut nga dinastia Qing, që zgjati për qindra vjet, vendi mbeti midis një gjendjeje gjysmëkoloniale e gjysmëfeudale. Ekonomia ishte prapambetur, fuqia e vendit e dobët dhe populli jetonte në vështirësi. Historia ka vërtetuar se mbyllja e tregut është një rrugë e gabuar dhe vetëm hapja e bashkëpunimi mund të sjellë zhvillim.

Reforma e hapja e Kinës që u nis para 40 vjetësh, ka treguar se integrimi me botën, përdorimi i presionit të jashtëm për të nxitur reformat e brendshme, duke racionalizuar marrëdhënien midis produktivitetit dhe prodhimit dhe zhvillimi i bashkërenduar me epërsitë e vendit janë rruga e përshtatshme e zhvillimit.

Por vitet e fundit është rritur fryma kundër globalizimit dhe shtuar prirja e proteksionizmit tregtar.

Si një vendi i madh e i përgjegjshëm, Kina ka përgjegjësinë e saj që të ruajë procesin e globalizimit ekonomik, sistemin e tregtisë shumëpalëshe dhe bashkë me vendet e tjera të krijojë bashkësinë e fateve të përbashkëta të njerëzimit.

Kërkesë për zhvillim të thellë

Zhvillimi lidhet ngushtë me hapjen dhe nxitet nga hapja. Vitet e fundit, ekonomia botërore ka hyrë në një periudhë ndryshimesh të thella, ndërsa zhvillimi ekonomik i Kinës në një gjendje të re që po shfaq tre veçanti kryesore: ndryshimi i shpejtësisë së rritjes ekonomike, përmirësimi strukturor dhe ndërrimi i motorëve nxitës. Shpejtimi i mënyrës së zhvillimit ekonomik dhe shtimi i cilësisë së zhvillimit mbetet tani një detyrë urgjente.

Për të drejtuar gjendjen e re të zhvillimit ekonomik dhe për të shfrytëzuar mirë këtë fazë strategjike, Kina duhet të përdorë standarde të larta për nxitjen e zhvillimit me cilësi të lartë.

Ndryshimi dhe përmirësimi

40 vjet pas reformës dhe hapjes, ekonomia kineze ka shënuar arritje të mëdha. Por ndotja e mjedisit është bërë një problem i rëndë. Për Kinën, transformimi dhe përmirësimi i ekonomisë dhe i zinxhirit industrial është bërë tani mënyra e vetme për zhvillimin e vazhdueshëm.

Zgjerimi i hapjes dhe tërheqja e mëtejshme e investimeve të huaja në fakt janë zgjedhje e domosdoshme për Kinën që ta nxisë industrinë drejt një niveli të lartë dhe zhvillim ekonomik drejt cilësisë në epokën e re.

Koha po ndryshon, e po ashtu dhe Kina. Krahasuar me fillimin e reformës dhe të hapjes, mënyrat e Kinës për tërheqjen e investimeve të huaja dhe llojet e investimeve të huaja po ndryshojnë.

Në të kaluarën, zhvillimi varej kryesisht nga politikat favorizuese, ndërsa tani kjo varet më shumë nga përmirësimi i mjedisit të investimeve. Në të kaluarën, prodhimi masiv ka pasur kryesisht nivel të ulët, ndërsa tani ai po realizohet nga ndërmarrje me teknologji dhe efikasitet të lartë.

(Jiang Lei)