2018-05-16 19:36:02 | CRI | Komenti juaj | Printoni |
Politikani reformator malajzian Anwar Ibrahim është liruar nga burgu, duke përshkruar fitoren zgjedhore të partisë së tij si "një agim i ri për Malajzinë".
Pasi u pa si një udhëheqës i ardhshëm, ai u burgos pas akuzave për sodomi dhe korrupsion.
Kryeministri i ri i Malajzisë Mahathir Mohamad kërkoi një falje për Anwar, e cila u dha mëngjesin e së mërkurës.
Mahathir është zotuar se brenda dy vjetësh do t'ia lërë vendin Anwar-it për t'u bërë kryeministër.
Anwar mbante postin e zëvendëskryeministrit dhe të ministrit të Financave në qeverinë e Mahathir-it dhe shihej si trashëgimtar i tij.
Fitorja e zgjedhjeve të javës së kaluar pasoi një pajtim midis Anwar dhe 92-vjeçarit Mahathir, i cili e shkarkoi dhe e burgosi atë 20 vjet më parë gjatë mandatit të tij të parë si kryeministër. (Albana)